Actualitads
Cuors d'instrucziun - organisaziun da seracass
En fuorma da teoria e lavur en gruppa ei l'organisaziun dil seracass vegnida profundada. Era ha giu liug il “debriefing” nua che analisein e setschintschein sur d'acziuns da salvament. Varga 30 commembers e candidats han priu part agl exercezi.
Radunonza generala
Ina gronda raspada ha priu part alla radunonza generala en Claustra a Mustér. Suenter la messa tradiziunala ha giu liug la radunonza. Silsuenter havein schau gustar la buna tscheina e stai da cuminonza.
Cuors da lavinas
El territori da skis da Breil ha giu liug duront in freid e bi di d'unviern nies cuors da lavinas. 20 commembers han refrestgentau lur savida.
Cuors da reiver per affons en halla
Mintgamai igl atun porscha la colonna d'agid per affons in cuors da reiver en halla. Uonn han 48 affons fatg diever dalla purschida. Il proxim cuors ha puspei liug igl atun 2025.
Trenament da spindrament giud sutgeras
Il trenament annual tier las pendicularas da Breil - Vuorz - Andiast ha uonn giu liug silla sutgera da Vuorz - Alp Dado.
Exercezi da salvament ord stollas
Ensemen cun la colonna d'agid Tujetsch e l'Axpo havein exercitau il salvament d'ina persuna blessada ord las stollas dil mir da fermada. Sin la fotografia tut ils involvai suenter igl exercezi al “debriefing”.
Giubileum da 200 onns emprema ascensiun sil Péz Russein
Entgins commembers dalla colonna d'agid ein semess sils fastitgs dils 2 alpinists Augustin Bisquolm e Placi Curschellas ed han commemorau aschia alla emprema ascensiun dil Péz Russein digl 1. da settember 1824. La tura sin nies pli ault péz ella regiun ei adina puspei in eveniment nunemblideivel.
Di da famiglias ed inauguraziun dil niev carr d'acziun
Giu l'Igniu a Sumvitg ha giu liug il di communabel dils confamigliars. Cun ina pintga fiasta ei il niev carr annex d'acziun vegnius presentaus ed inauguraus.
Ruinas - exercezi da salvament cun tuorns
Bien 20 commembers han priu part agl exercezi d'acziun nua che ei vegniu salvau ina persuna blessada cun bara e tuorns.
Demonstraziun d'encurir persunas sparidas cun tgaun
El contuorn da Rensch ha la gruppa d'encurir persunas cun tgauns fatg ina demonstraziun fetg impressiunonta.
Trofea Péz Ault
10 commembers dalla Colonna d'agid segidan sco voluntaris.
Radunonza generala
A caschun dalla radunonza generala ei vegniu decidiu da midar il num dalla uniun da Colonna d'agid Mustér sin Colonna d'agid Cadi.